المسافة بين الأرض والقمر

 يسلام كدة لما يكون الجو هادي وانت ماشي في الشارع بليل وتبص لسما ويسحرك جمالها وبعدين تقعد تبص للقمر وتفضل تتخيل في الكراش .... احماحم

 

ثم تفكر كدة بما ان القمر باين لنا انه اكبر حاجة في السما نقدر نشوفها فبالتالي ممكن نتخيل ان المسافة بين الارض والقمرصغيرة اكترمن حقيقتها ، امنا في الواقع المسافة بين الارض والقمر تكفي ان الكواكب كلها تصتف في خط مستقيم بينهم انت متخيل !!!!! (بس عشان ده ينجح لازم القمر والارض يكونوا كل واحد فيهم يكون في ابعد نقطة في المدار الي بينهم لان المسافة بينهم مش متساوية بحكم عدم الاستدارة الكاملة لمدار القمر)

، (غير كدة كمان تكون الكواكب زي زحل والمشتري مايليين عن خط استوائهم لأن قطر الكواكب عامة بيكون اكبر حاجة عند خط الاستواء فلما الميل يحصل كدة الحيز اللي هيشغله الكوكب من الفضاء عرضيا هيقل).

وبالارقام فالمسافة بين القمر و الارض هي حوالي 384400 كيلومتر ولمعلوماتك المسافة بين الارض والشمس ضعف الرقم ده 390 مرة.

المصدر : https://www.space.com/35695-weirdest-solar-system-facts.html